ગુજરાતી ભાષા માં મારા વિચારો!

વિચારો ગુજરાતી, લખો ગુજરાતી, વાંચો ગુજરાતી,ગુજરાતી ગુજરાતી…

Tag Archives: મારા વિચારો

માં એક્સચેંજ


મિત્રો,

કાલે ટીવી જોતા એક જાહેરાત જોવા મળી, તે હતી સોની ટીવીની નવો શો – “માં એક્સચેંજ“. જેમાં માત્ર મનોરંજન ખાતર માં ની અદલાબદલી કરવામાં આવે છે, અને તે પણ બીજાઓ ને માટે ? જાહેરાત જોઇ આઘાત અને આશ્રચર્ય બંને અનુભવ્યા. લોકોએ હવે બાકી શું રાખ્યુ છે ? મનોરંજન માટે આટલી હદ વટાવવી જરૂરી છે. પહેલે થી જ કેટલા ફાલતૂ શો ટીવી પર આવી રહ્યા છે. તેમાં એક વધારે નહિ ? લોકો ને શું ફરક પડે છે નહિ ? મારો ૫ વર્ષનો બાબો ટીવી જોઇને ઘણુ બધુ શીખે છે. કાલે મારા પત્ની વાત કરતા હતા કે તેમની કોઇ બહેનપણી નો ૩-૧/૨ વર્ષ નો બાબો ટીવીમાં આવતા બધા સોંગ્સ ગાઇ અને તેના પર નાચી શકે છે. શું આ ખરેખર સારુ છે ? મારી નજરે તો સારી નથી જ! તમે તમારી વાત જણાવજો.  અને આવા કેટકેટલા કિસ્સાઓ તમારી નજર સમક્સ આવતા હશે. આવા ફાલતુ શો દરેકે સ્વેચ્છાએ જ ન જોવા જોઇએ, જેથી ચેનલો વાળા ને TRP જ ના મળે. મતલબ જાહેરાતો નહીં અને સરવાળે આવા શો જ નહીં. ખરૂ કે નહિં ?

નમ્રતા


ગુજરાતી બ્લોગ જગતમાં કોપી-પેસ્ટ અને કોપીરાઈટ વિશે બહુજ ચર્ચા થતી રહે છે. અને અનુભવી લોકો નવા લેખકો ની ભુલો કાઢતા હોય છે. સ્વભાવિક છે,  નવા લોકોની ભુલો પણ થાય, ઍટલે જ કે તેઓ નવા છે, અને અનુભવી લોકો તે બીજીવાર ન થાય તે માટે ધ્યાન દોરે. પણ મને એક સવાલ થાય છે કે શું તેમણે કયારેય ભુલ કરી જ નહિં હોય ?  શું તેઓ પહેલેથી જ સંપુર્ણ હતા ? ભુલ માટે ધ્યાન દોરવુ સારી વાત છે, પણ સારી વાત કહેવા માટે તોછડાઇ કે રૂઆબ શા માટે ? ઘણી વાર મેં જોયુ છે અને જોતો આવુ છુ કે નવા લેખક ને શું નુ શું કહી નાખે છે. પણ જરા વિચારો કે જો તમારી સાથે સ્કુલમાં કે કોલેજોમાં આવો વ્યવહાર તમારા શિક્ષકોએ કર્યો હોત તો તમને કેવુ લાગત. અને બન્યુ હોય તો એ વખતે તમારા પ્રતિભાવો શું હતા. મિત્રો એવા બહુજ ઓછા લોકો હોય છે જે “માં” ના ઉદરમાંથી શિખી ને આવે છે. જરા વિચારી જુઓ, કેટલા લોકો શિખી ને આવ્યા છે. તમારો એક કાર્યક્ષેત્રમાં નો અનુભવ અને નવા લોકો ને એ જ કાર્યક્ષેત્રમાં નો અનુભવ. – વિચારો જોઇએ. તમે નવા લોકો જોડે હરીફાઇમાં ઉતર્યા હોય તેમ કે નવા લોકો તમારી જોડે હરીફાઇ કરતા હોય તેમ લાગે છે કે નહિં ? તમે બીજાને કશુ કહો છો સારી વાત છે પણ કદી વિચાર્યુ કે તમે તેને કહેવા માટે પુરા સક્ષમ તો છો ને ? જે લોકો ને આપણે આદર્શ માનીએ છીએ, તેઓ પણ પોતાને સંપુર્ણ નહોતા માનતા, જો કે તે તેમની મહાનતા હતી. અને મહાન વ્યકિત ને મહાન શું બનાવે છે, તેમની નમ્રતા. બોલીવુડમાં ઘણા કલાકાર છે પણ અમિતાભ બચ્ચન માં જેટલી નમ્રતા બીજા કોઇમાં છે. તેમજ સચીન પણ ?  જો આ પ્રકારની નમ્રતા અને મહાનતા અનુભવી પાસે જો હોય તો આપોઆપ જ તે કેટલા મહાન બની જાય છે. મિત્રો ખરેખર આ વિચારવા લાયક વસ્તુ છે કે નહિં ? નમ્રતા.

દેખાવડી દુનિયા


આજના યુગમાં દેખાવનું ખુબજ મહત્વ છે. આ વાત ને દરેક લોકો માનશે, ખરુ કે નહિં વાચકો ? ઉદાહરણ તરીકે આપણા ઘરમાં રહેલુ ટીવી જ લઇ લો. અને તેમાં આવતી જાહેરખબરો, તેમાં આવતા મોડેલો ને જોઇ ને લોકો ન લેવાની વસ્તુઓ પણ લઇ આવે છે, પછી તે વસ્તુની જરૂર હોય કે ન હોય. ખરુ કે નહી ? દેખાવડી દુનિયા નો બીજો એક ઉદાહરણ કહું તો, વડોદરામાં અમારા વિસ્તારમાં હમણા ભારત અને ન્યુઝીલેન્ડ વચ્ચે મેચ રમાઇ ગઇ અને લોકોએ જોયુ હશે કે એક જ મહિના પહેલા આ વિસ્તારની હાલત શું હતી. અને મેચના દિવસે શું હતી. અને આ વિષે લોકલ સમાચાર પત્રો અને રેડિયોમાં તો કાયમ જ તેના વિષે ટિપ્પણી કરવામાં આવતી હોય છે. પણ સત્તાધિશો તે વાત ને એક કાને થી સાંભળી ને બીજા કાને થી કાઢી નાખતા હોય છે, ભગવાને બે કાન આપ્યા છે તો ઉપયોગ કરીયે એવુ વિચારી ને કદાચ ? તો પછી આ દેખાવ શાના માટે ? લોકો ને સારૂ લગાડવા માટે જ ને ? આવી અનેક નાની વાતો છે જે આપણા જીવનમાં એવી રીતે વણાયેલી છે જેને ધ્યાનથી જોતા તમને જ ખ્યાલ આવી જશે કે આપણે કે પછી દુનિયા એ ખરેખર દેખાવડી દુનિયા જ છે.  અને દુનિયામાં દેખાવ કે દેખાડા નુ મહત્વ કેટલુ અને શા માટે છે ?